禮拜日（8日）沙田跑七草四泥賽事，草地用C跑道角逐。睇番最近6月10日同一移欄八場草地賽事，共有六匹頭馬守前五位入直路建功，其中「洪荒駿駒」（徐雨石馬房）及「小鳥敖翔」（姚本輝馬房）放頭帶到，另外「金童」（呂健威馬房）及「閃耀鑽皇」（容天鵬馬房）守貼欄包廂位贏馬，具前速之馬匹仍然要優先留意。
今戰列陣馬中，第四場「非常堅」（告東尼馬房）兩度於田C欄勝出，亦是全場唯一贏過此移欄之參戰馬，出馬少場合憑主動跑法及形勢之助，有力一放到底。另外，第三場「笑傲非凡」（高伯新馬房）上仗正是於田草C欄擺前跑第二，等番同一移欄再跑必求補中。
至於四場泥地路程皆為1200米，近20場泥地短途日賽，18場由守前三位入直路馬建功，當中12匹頭馬更加係放頭帶到。
故此第二場「常山耆寶」（文家良馬房）、第六場「飛霞」（蔡約翰馬房）、第八場「紫雲星」（徐雨石馬房）及第十場「花月流星」（大摩馬房）等擅跑泥地之快馬可秤先。