練馬師李易達只差2場夠數達標，馬季剩餘三次賽事，唔理三七二十一，搏得就搏，鬥志呢一層可以諗少瓣，一定博甩髀。今朝（5日）晨課，李易達馬房麾下的第9場「及時行樂」交由黃俊出試；史卓豐則替第10場「英之友」操練，兩匹戰馬分途往大跑道單跳考驗800米。練者在烽火台二樓舉鏡睇完人馬出跳後，罕有地第一時間步返沙圈與騎師會合追問馬匹走勢，並且聽取匯報，緊張出晒位，睇嚟會盡地一舖，上唔上到岸都靠晒佢哋。