靚女寫嘅字會唔會特別靚呢?答案...Angelababy(楊穎)親身揭曉。
近年喺大陸密密接綜藝節目嘅Baby，雖然生咗小海綿，但工作一路冇停過，早排又接咗湖南衛视綜藝節目《嚮往的生活2》，仲完成所有錄影工作添，最近節目就公開咗幾位明星嘉賓嘅親筆字，Baby嘅字跡呢...歪歪斜斜又潦草，基本上小學生啲字仲好過佢寫嘅！
Baby喺字條上面寫：「雨里雞鳴一兩家，竹溪村路板橋斜，來到這樣一個地方，還有世界級的小提琴，還有世界級的紅燒肉，心裡就兩字『滿足』，謝謝，嚮往的生活！」頭兩句就引用咗唐朝詩人王建嘅《雨過山村》詩詞，不過啲字體就真係好唔襯句詩，連網民都笑佢寫啲字肉酸，但就讚台灣藝人鬼鬼（吳映潔）係咁多個嘉賓之中寫得最靚嘅一個。