一見莫雷拉上個賽日（1日）以頭馬2比1追近自己一場，潘頓今晚（4日）出師谷中不敢怠慢，於第一場五班1000米即贏蘇保羅馬房「好準確」，重新令自己領先雷神四Win。「好準確」單Win及組合獨贏A1分別派65及20.5元。
六歲馬「好準確」年初首戰五班谷中1000米，即由雷神打開勝門，之後一直跑其他途程及班次未能再贏，終於今期有幸重遊勝路，幕後找來與雷神同級的潘頓操刀，擺明車馬出擊。
結果，「好準確」沿途守二、三位形勢大好下，直路殺上輕勝1.75馬位，保持本身跑谷草五班最短途1000米兩次未逢敗績。
頭馬潘頓的「好準確」搭亞軍雷神「吉利馬王」Ｑ派277元之多，可算超值。
蘇保羅表示賽前潘頓對他分析，如果「好準確」今場跟不到放頭馬的話就會輸，好彩潘頓出閘後跟到靚位，今場贏在潘頓出色發揮和馬兒五班有利，至於升上四班後，真是要睇形勢了。
頭場前四名都是熱門，賽果正路。當中，第二至四名分別為「吉利馬王」、「金飯碗」及「欖球鑽石」，四重彩派13,810元。