奶媽特首林鄭月娥做咗一年特首，議會內嘅氣氛仲係劍拔弩張，想大和解睇嚟都不能旨意奶媽，不如搵大嘥鬼啦！
聯手拍環保宣傳片
公民黨陳淑莊Tanya同民建聯葛珮帆EQ罕有聯手，一齊幫大嘥鬼拍咗條宣傳短片，仲唔係促成大和解？
講到環保真係不分左中右，Tanya噚日喺fb上載一條片，短片入面大嘥鬼化身Tanya同EQ嘅議員助理咁，俾佢哋兩位點。Tanya就命令大嘥鬼，以後都唔可以再有紙杯呢啲咁唔環保嘅嘢喺辦公室出現，EQ亦都一樣，佢叫大嘥鬼唔好再用紙本文件，家陣興創科㗎嘛，有文件梗係用電子版喇！雖然睇條片都知道，Tanya同EQ根本無同場出現過，但至少佢哋都隔空對話咗幾句對白，仲一齊呼籲「大家一齊支持源頭減廢」㖭！