今晨（3日）沙田早課，場面冷清清，原因踏入季尾時段，見慣不怪矣，較具睇頭的，首推告東尼馬房。
一眾東廐在周三（4日）谷中夜賽參戰之參戰馬，均安排前往內圈加課出踱。期間，見練者告仔與騎師何澤堯二人低頭細語咁傾，鏡頭特別。今期賽事，告仔倉口有「巴基小子」及「勇敢傳說」兩匹實力馬交由堯仔壓陣，二人季內合作愉快，睇嚟此路人馬又有料到，實有研究之至。
當中，第7場三班1650米的「勇敢傳說」，上仗在何澤堯胯下跑谷草1650米，留前鬥後末段一衝便把對手擒下，終於取得轉倉後首場勝利，鞍上人發揮淋漓盡致。
今次原庄人馬再來，結合今朝騎、練二人在欄邊密密斟，話題應離不開馬事，莫非打鐵趁熱，食住個勢「勇敢傳說」密謀添食，無論如何，此對騎、練合作座騎均有留意必要。