「我新加入公司的時候，有位同事好熱心樣樣都肯教我，我一直以為佢係難得嘅知己，我哋之間無秘密。直至最近一件事嘅發生，一直對我好好嘅上司對我嘅態度突然之間變得好奇怪冷淡，反而對我同事，本來麻麻嘅態度突然親切。辛苦追查，原來係好同事恩將仇報，將原本係佢做錯我幫咗佢隱瞞搞番掂，仲教埋佢點樣同上司交代拆解嘅事，成件事顛倒話係我錯，逼佢幫我隱瞞！明明係佢講上司嘅是非壞話，全部話係我講嘅。我好嬲好心痛，點解佢要咁對我？點解上司唔信我？」
你有幾嬲可以幾心痛，我是個行走職場人生幾十年的老手，我身經百戰感同身受。
好同事點解要咁對你？Well，事情的發展，未必是他能夠操控預計，但他妒忌你，你越得竉越叻他就越恨你。這種小人，職場比比皆是，只是你被自己的善良蒙在鼓裏。他出事你幫他搞掂即是有痛腳在你手，你今日不講難保有朝一日你會講，一個小人是不會相信這個世界上有君子存在的。先下手為強，當然要搶先同上司講，先入為主先贏一半。江湖險惡不及人心險惡，你要好好記住今次的教訓，學識以後帶眼識人。
上司點解唔信你？Well，點解一定要信你？你敢講好同事大講上司壞話的時候，你沒有插嘴評論加多句？如果全屬無中生有，恐怕沒有這麼大的殺傷力。用是非做人情，本少利大，你不為大把人搶住為，蠢過之後要學乖，不然學費就白交知道嗎？
事情到此為止，要告一段落。留也好去也好，先收拾心情做好自己的份內事，不要再糾纏執着。記住所有在衝動之下做的決定，都只能是錯的，不要輕率魯莽，一時衝動，結果對自己造成更大的傷害。
張慧敏