利物浦禮拜一開操做季前訓練,32歲嘅占士米拿體能繼續fit爆,喺體適能訓練(lactate threshold test)表現超晒班,表現大幅拋離其他隊友,圈速仲有成每小時24公里咁快,第二位係另一個體能王拉爾拉拿,而紅軍兩個新兵:拿比基達同法賓奴艾華利斯就仍需努力嘞!其實,上季同樣嘅訓練,占士米拿就同新人阿歷山大阿諾特並列第一位,有利物浦球迷喺twitter就話,占士米拿成部體能機器咁。更加搞笑嘅係,利物浦領隊高路普喺訓練開始前,已經對住鏡頭估米拿肯定係第一位嗰個,可以見到呢位前英格蘭國腳嘅體能幾咁厲害。