一直有傳曼聯中場費蘭尼約滿就會離隊，但30歲嘅「爆炸頭」上周五終於宣佈同紅魔續約兩年，另加一年生約。費蘭尼自2013年入魔，至今各項賽事上陣156場入20球，曾為球隊贏得歐霸、英足盃、英聯盃。至於修咸頓將塞爾維亞翼鋒杜辛泰迪治賣畀阿積士後，上周五宣佈從瑞士班霸巴素利簽入翼鋒艾約路斯，有指轉會費係1,600萬鎊（約1.7億港元）。