【本報訊】「好辛苦，件事永遠都放唔低，因為一放低，個真相未必會出現。」曾坤洪與醫管局周旋了兩年多，不斷聽到局方推說是「意外」，昨得悉裁決後，感到「有啲放心，安定咗」，因大部份事實得以公開。他坦言每日過着痛苦的生活，希望向涉事醫護人員說：「我知道係好繁忙，但係我哋當時係靠晒你！」
兩年的堅持，對死者丈夫曾坤洪來說是「好辛苦嘅折磨」，亦令他明白醫護所說的分秒必爭只是一個虛假謊言。他稱事故令他家庭破滅，每日過着痛苦的生活，「我一家三口唔會原諒呢班人」。
大部份涉事者離開瑪嘉烈
曾坤洪知道大部份涉事醫護人員已經離開瑪嘉烈醫院，但他仍想向這些人說：「應該用返啲心，去check清楚、睇清楚。因為我哋唔會無啦啦、夜麻麻咁走去醫院，尤其嗰陣係冬天㖭。」他又指死因庭將事件披露，令每個人心中都可以對事件有所裁定，現在稍為放心，感謝死因裁判官和陪審團作出公正的裁決，為其太太取回公道。
曾去年入稟高等法院，就瑪嘉烈醫院的醫療疏忽要求賠償。據了解，案件在醫管局沒有出席聆訊的情況下，家屬獲判勝訴，但賠償金額有待法庭評定，案件有待排期聆訊。
■記者歐陽聯發