蘭子昨日接受傳媒訪問，除被問到她和Crystal之間的事，還有她與利承武關係。不過，蘭子對於感情事都落閘不肯回應，只不停笑着「兜圈」，又說：「我覺得呢個係額外嘅嘢，我唔會講嘅！」至於Crystal問她是否「利太」身份？蘭子說︰「其實一路以嚟，呢個圈有好多呢啲新聞是是非非，真真假假，我對呢樣嘢唔會回應囉！之前我都唔會回應。」
問到蘭子是否想保護利生形象？她便笑說：「我不嬲都冇講佢嘅嘢，咁就唔使保護啦！不過件事入面都有少少誹謗嘅嘢，所以唔適合講咁多，交畀一啲專業嘅人去處理。」對於有傳蘭子已和利承武分手，蘭子淡淡然說：「我同每一個人一齊都俾人傳㗎啦，係咪先。如果係咁傳嘅話，應該我呢個年紀應該抱孫㗎喇，所以我覺得得啖笑囉，亦唔需要認真地回應囉！」二人感情是否穩定，一直沒有改變？蘭子再哈哈笑着回應：「多謝關心！」
採訪：馬建華 攝影：仇志德