Apple Store又有新店！不過今次唔係喺香港，而是喺澳門氹仔。而今次新店，除了是澳門第2間Apple Store，原來亦是大中華區第50間分店。而最特別的就是用了「竹」作為設計的主題，所以由店外到店內都滿佈竹的佈置。從外面看，店舖有如藏身竹林中，走入店內，中間走廊更有貫穿兩層的長竹，整體感覺相當優雅。
除了竹林之外，其實店舖的玻璃幕牆也很特別，瑞士製的玻璃中佈滿雲石紋，不止是花紋，而是以真石材製作，把石磨至只有1mm厚，夾在玻璃中間，保留石紋同時更能有高透光度，這種設計和造法都是世界首創，值得細心欣賞一下。
這新店還有一個神秘房間，要特別乘升降機到三樓才能到達，房間名為「The Boardroom」，是專門為中小企和創業者而設，可以在這裏認識新工具和應用程式，以配合業務合作和發展，是大中華區第一間設有此房間的Apple Store。
最後，講到新店，當然唔少得送T-shirt環節，而今次T-shirt用上藍色底色，襯上粉紅玫瑰金色字和logo，本來係幾靚的，不過心口「金沙廣場」四隻中文字就有點趕客。而據講這間新店因為透光設計，加上店外竹林都會有燈光配合，晚上看會更加漂亮，所以今次新店開幕特別定在6月29日星期五晚六時正式開幕，想攞T-shirt，不妨襯新店開幕來參觀一下。
記者：韓繼聰
攝影：許先煜