大摩從日本回來，周四（28日）早上，見佢親自指揮操練。當中，參戰周日第二場四班1000米草地直路賽的「蓋世之寶」，由莫雷拉策騎往千八米草地作快跳考驗。
當時只見倉主大摩陪同人馬前往起步點，觀看馬匹走勢，其後更匆匆趕返沙圈接馬，等候鞍上人莫雷拉回來，二人會合後甫即低頭細語密斟一輪，動作鏡頭緊張萬分。
「蓋世之寶」只屬一匹僅曾一捷的四班舊馬，能夠吸引一把年紀嘅大摩，在大熱天時勞師動眾親自監督操練，確實唔簡單。
此駒剛戰在蔡明紹胯下跑同程，途中更被擊落馬鞭，亦僅以少許飲恨跑第二，今仗換上雷神戰鬥力大增，睇嚟今舖應可順利補中贏馬交代。