阿爾巴尼亞總理拉馬為咗支持做出國旗上雙頭鷹手勢,而俾國際足協罰款嘅瑞士球星格列沙加同梳頓沙基利,用「唔使怕鷹」(Don't Be Afraid of the Eagle)呢個名開咗個銀行戶口,呼籲國人捐錢幫佢哋畀罰款,目的係感激佢哋為幾百萬國人帶嚟歡樂。阿爾巴尼亞裔嘅沙加同沙基利早前喺贏塞爾維亞2:1後做雙頭鷹手勢,俾FIFA以缺乏體育精神為由各罰10,000瑞士法郎,有份加入做手勢嘅列治史迪拿就被罰5,000瑞士法郎。