政府早前宣佈11月25日就九龍西議席空缺進行補選，而民主派早已決定由原議員小麗披甲上陣，一旦DQ 則由工黨李卓人補上。
政圈一直對於李卓人作為Plan B有不滿，認為小麗同李卓人唔係同一政團，作為Plan B唔夠名正言順，噚日就傳出小麗民主教室已經加入工黨，小麗接受查詢時未有否認，話今日回應，若然係真，相信都會平息到部份閒言閒語。
據講，今次小麗加入工黨係有泛民中人獻計，希望可以平息民主派就Plan B嘅不滿。工黨討論多時之後本周初就由執委會通過，批准小麗民主教室以團體成員身份加入，小麗亦會係工黨團體成員代表，不過小麗若然要以個人身份加入工黨，都需要另外申請。
郭永健回覆查詢，證實工黨執委會已通過小麗民主教室成為團體黨員。