練馬師麥菲文今天（26日）早上，復於沙田晨操左騰右騰，監督麾下馬匹操練。其間，佢對周三（27日）晚谷中兩匹參戰馬，第二場「財帥」及尾場「快樂寶貝」尤為重視。
這兩匹一新一舊賽駒今朝分別於內圈加課踱步，分別由副練及助手負責，練者在烽火台舉鏡睇操後，隨即趕返機坪仔細打量馬匹。
其後，見麥菲文捉住「財帥」出賽騎師貝湯美密斟，擺明是共同研究軍情。
列陣第二場四班1200米「財帥」，經一場實戰熱身後，復課加緊備戰，在6月15日由貝湯美策騎試大閘表現出色，狀態逐步提升，過往曾試谷閘亦有好走勢，窄場性能已試準，今回隨時一擊即中。