【記者梁智威俄羅斯直擊】世界盃舉辦過20屆（今屆為第21屆），過去曾有不少主辦國俱為冧莊舉辦，最近墨西哥更聯同加拿大及美國組成北美聯盟，奪得2026年世界盃主辦權，勢將成為全宇宙唯一曾三度主辦世界盃的國家。
然而，俄羅斯作為地球上面積最大嘅國家，卻要到2018年才首次舉辦世界盃。係咩驅使俄羅斯要搞好世界盃呀？係愛定責任呀？係誠意。小記隨now tv採訪團抵達莫斯科七天，走過大街小巷，無不充斥着濃厚的世界盃氣氛。繼早幾天介紹過的fan fest會場，這天來到位於阿爾巴特區的足球博物館，深刻感受到俄羅斯要肩負起足球傳承的任務。
博物館佔地不大，但收藏極其珍貴，如過去的世盃門票，得獎獎牌，球星簽名球衣，以至重新剪輯的咸豐年世盃精采片段，皆一一收錄。足球之火，承上啟下，於莫斯科遍地開花。
搞體育盛事，係要有團火先做得出色，喺香港都一樣，求其搵班藝人搞個party當做咗嘅時代已經過去。專業地看待體育項目，才是對觀眾最佳的尊重。臨離開博物館時碰到其他行家，得知香港那邊的世盃直播，亦剛進入了4K時代，連俄羅斯本土都未有4K直播，咁係咩驅使呢間香港電視台搞4K呀？係咩都好，有個台願意揼本搞好佢，唔使你明明對荷蘭唔反感都變成反感，香港觀眾要珍惜。