中國傳統懷孕女性不宜多沾水及吹風，但外國人就唔係太介意。前日混血女模Jessica C.宣佈生咗第二胎，仲被爆生完仔之後即刻飲咗一杯冰，又口痕食雪糕，第二日就可以出院兼健步如飛。
而JC好友Rosemary懷孕7個月，近日同老公Jason喺峇里旅行，佢連日都喺IG晒水着相，仲有好多中國人示為「禁忌」嘅超高難度動作，包括玩森林盪鞦韆、獨腳瑜伽等動作，真係睇見個心都離一離。
Rosemary噚日又換上一張黑色比堅尼，同老公晒恩愛，留言：「Kickstarting our early baby moon holiday here…Next stop，deep jungle！#28weeks（喺呢度開始我哋嘅假期！下一站，深入叢林！#28週）」。