「打開蚊帳，打開蚊帳，有隻蚊...」不過喺舞台上面就冇蚊帳，亦都冇蚊拍，所以即使喺台上落力表演時，雖然成群蚊飛來飛去，但佢哋都要繼續落力演出，仲要表現鎮定同埋千奇唔好劈大口個口，唔係就會邊唱歌邊食蚊嘞。
話說近日世界盃有個球場受蚊患困擾，搞到球員比賽時要被蚊狙擊狂噴蚊怕水，而韓國同樣有呢個問題出現，韓國女團宇宙少女日前就喺戶外進行表演，點知有網民就拍得佢哋喺舞台表演時，原來喺台上有勁多飛蚊，肉眼睇都有成幾百隻，場面好恐怖。
不過當時宇宙少女就一面鎮定，繼續邊唱邊表演，但片中可見有成員都因為有飛蚊飛撲埋嚟，都有喺台上用手趕走啲蚊，可見成員都擔心被飛蚊狙擊，而粉絲都十分擔心，怕宇宙少女畀蚊咬到就唔好。