【財經專題】本身在銀行界工作多年的陳婉玲（Elaine），與不少港人一樣鍾情日本文化，近年廉航普及，更差不多一年赴日本數次。最近銀行業好景不再，她不幸由長工轉為合約，仍未結婚的她，眼見事業愛情兩失意，去年決定把心一橫，辭去銀行工作，隻身移居東京讀日文，更將在港的物業放售，手持600萬，赴日即full pay掃東京一單位。
記者：梁延宇
攝影︰周智堅
陳婉玲透露在2008年購入沙田一大型屋苑600呎單位，於去年出售，購入價約200多萬，累計升幅已經有三倍多，她指現時香港樓價太高，加上仍持有物業，礙於辣招關係，決定轉戰日本市場。
心儀日男 盼落地生根
Elaine坦言看淡本港樓價，反而對東京樓市前景感到樂觀：「日本樓易睇啲就係因為（經濟）復蘇緊嘛，即係仲有空間升。」甫到東京數月，Elaine已用1,480萬日圓（約106萬港元）購入一開放式單位，她指：「𠵱家係奧運之前嘛，我睇好呢段時間會再升啲，我都唔急住放。」
明言「唔鍾意好油嘅廣東菜、無掛住茶餐廳、但日本嘢食就好鍾意」的她，已打算於當地落地生根：「如果日文讀得好，打算直情留喺度發展！」Elaine早對將來躊躇滿志，更指已有日本公司在網上邀她加入，「就算搵唔到長工，做兼職都有啲機會！」在港還有物業的她，更表明不排除再賣港樓買日樓：「一間自住、一間放租，如果合適嘅話會再買多間放租。」
除了事業，她亦為自己的姻緣打算，以往日本時有家暴新聞，但Elaine就坦言對日男有不少憧憬：「我唔覺得佢哋大男人囉，佢哋有啲真係唔識英文，只可以用日文溝通，咪可以進步啲！」
曾協助Elaine購入第一個日本物業的世紀21客戶服務主任Jojo指，假如手持600萬，在東京有眾多選擇。
Jojo解釋表示，香港及日本有不少銀行都願意為港人買日本物業承造按揭：「主要有兩個條件，第一係喺1983年後興建嘅樓，因為嗰年新訂立防震建樓標準，第二係樓價係3,000萬日圓(215萬港元)以上，做埋環球信貸報告，係基本要求。」
她又指出，一般需付樓價一半做首期，按揭年期為15年，息率約2.6至2.8%。
