截至上周五，今屆世盃已經踢咗26場比賽，原來場場都有波入，從未出現過一場0:0悶和嘅賽事。呢個走勢到巴西對哥斯達黎加場波幾乎斷纜，好在補時階段巴西有菲臘比古天奴入波。26場波都冇0:0，追平咗1954年嘅紀錄，不過當時平均每場入成5.38球，相反今屆入球數字就唔算太高，截至上周五為止，26場波有10場都係1:0。