俄羅斯世界盃如火如荼，大家應該都腳痕想踢波，但香港人咁忙，球場又難book，點可能話想踢波就踢波呢！所以今次就介紹三款趣味足球手遊：《Crazy Free Kick》、《Football Caps - 2 Players》和《Puppet Football Fighters》給大家，讓各位先用手指踢波頂住癮。
首先介紹這款是由《媽媽把我的遊戲藏起來了》的廠商Hap Inc.製作的《Crazy Free Kick》，遊戲目的就是射波入龍門，不過會有很多你意想不到的人和物來阻礙射門，甚至搬龍門或整個龍門炸掉都會有，咁點射呀？在炸爆之前射入就得啦！遊戲引入很多不同元素來阻礙射門，非常爆笑，例如名人、電影角色和機械人等，總之就是你估佢唔到嘅！
《Crazy Free Kick》
平台：iOS、Android
第二款介紹的是以Air Hockey玩足球的《Football Caps - 2 Players》，每隊五隻棋用彈射方法將個波送入對方龍門，如果有玩開《怪物彈珠》類遊戲，應該會比較易上手。一場比賽三分鐘，要入球其實不難，不過有時很講運氣的，球滾到去有利位置，自己又不出錯才能入球。這遊戲還支援同一手機上二人對戰，搭車時同朋友踢返場就最啱。
《Football Caps - 2 Players》
平台：Android
最後一款介紹的是殺人足球《Puppet Football Fighters》，是一對一的足球遊戲，主要不是踢波而是踢人，因為令對手血量歸零就能勝出。遊戲中用球射中對手會扣血，入波會爆炸扣大量血，角色的必殺技也能令敵人扣血。每個角色有不同必殺技，有點像格鬥遊戲，遊戲之後可以加入隊友，會像《拳皇》一般的接力對戰，踢到對方沒有人為止就勝出，最多可以四名角色組隊，而取得角色方法就像《皇室戰爭》一般，從遊戲中開箱獲得角色卡，而且角色也可以用升級提升實力。遊戲是頗好玩的，奈何廣告有點多，少一點就更好。
《Puppet Football Fighters》
平台：Android
記者：馬子聰
攝影：劉永發
全新旅遊專頁，即like籽想旅行： https://fb.com/travel.appleseed