上周五世盃E組賽事，巴西喺補時階段連入兩球，以2:0險勝哥斯達黎加。隊波同有份建功嘅尼馬，都喺呢場比賽開齋。不過，佢成為全場焦點就唔係因為佢入咗波，而係做咗好多出位事。
禁區跌低似足Matrix
首先，呢名巴西前鋒喺下半場尾段一次禁區盤球中，誇張插水想博12碼。佢被哥斯達黎加守衞基安卡路干沙利斯出手攔咗一下，之後就攤開雙手好誇張咁向後倒地。球證本來已經吹罰12碼，但翻睇VAR片段後揭發佢嘅「惡行」，並推翻12碼嘅判決，不過就未有向插水嘅尼馬出示黃牌。有網民以《廿二世紀殺人網絡》（The Matrix）嘅經典橋段同尼馬作比較，笑言：「其實尼馬係咪避緊子彈呢？」
之後，呢名巴西前鋒賽後更跪喺綠茵場上喊爆，但佢賽後未有接受現場傳媒訪問，冇人知佢淚灑球場嘅原因。佢之後就喺社交網站Twitter中撰文盡訴心中情：「唔係每一個人都知道，我經歷咗咩先能夠嚟到呢度。講好容易，但要付諸實行就冇幾多人能夠做到。我流嘅係喜悅嘅眼淚，人生對我嚟講從來都唔容易。我嘅夢想將會繼續落去！」
迪堤慶祝樂極生悲
尼馬愛搶鏡，估唔到連巴西主帥迪堤都唔輸蝕，當菲臘比古天奴補時入波，巴西全隊上下梗係興奮，點知迪堤樂極生悲，當時佢喺後備席廂跑出場上慶祝，點知一起步就跌倒喺地下，仲拉傷埋大腿肌肉。睇番慢鏡，搞到迪堤仆低嘅可能係後備門將艾達臣摩拉斯，上季佢喺曼城表現出色，點知喺國家隊都係冇正選，斷估唔會因為咁樣嬲咗迪堤，借勢整蠱佢啩？
世盃我至靚
Now TV每日只需$6*，
全年睇盡猛片，新劇，世界盃
即刻撳下面登記優惠或致電2888 1888(後按2)申請啦！
https://bit.ly/2JqDJKw
*優惠期有限，受條款及條件約束。