新婚的林芊妤（Coffee）昨日跟無綫新一輯《美女廚房》的「美女學徒」伍樂怡（Kelly）、余香凝妹妹余潔瀅（Zoe）和陳晨在銅鑼灣出席時裝騷，陀仔已五個月的Coffee腹部只是微隆，身形仍然很瘦，她說：「已經肥咗10幾磅，可能我之前太瘦，個肚唔係好大，搭港鐵唔會有人讓位我坐，反而早幾日搭車見個大肚婆，諗起自己都大肚，我讓咗佢坐先。」
Coffee打算10月時選擇順產，她表示至今仍未開始買嬰兒用品。Coffee趁着現在活動自如，仍有接工作，家人亦沒有阻止，她說：「老公屋企人早排喺香港，臨走都有叫我唔好咁辛苦，但好好，冇畀說話我聽，我𠵱家接嘅工作都係好輕鬆。」
否認犯眾憎
「美女學徒」Kelly被指獲無綫力捧而犯眾憎，Kelly承認公司痛錫，她謂可能自己工作夠積極，但否認犯眾憎：「冇咁嘅事，我覺得人緣唔差，大家相處融洽，唔使拍嘅時候，大家有傾偈。」Kelly指大家雖然沒有約出街，但都會一齊傾偈，並表示跟節目中曾主持過兒童節目的美女學徒較熟。身邊的Zoe也是美女學徒，她力撐Kelly：「放break時，我哋有一齊去買嘢食。」
余潔瀅撐姊
余香凝近日和陳家樂分手，女方即被爆一腳踏兩船，且早有前科，Zoe透露有關心胞姊，指胞姊很忙不在港，兩姊妹這幾天沒有見面，當被問到可有見過胞姊的新男友？Zoe說：「佢冇拍拖。」更直認認識大部份胞姊的朋友，但卻沒見過近日被指為胞姊新歡的保險高層Victor，同時替胞姊澄清以前都不是很多男朋友。
採訪：王連連
攝影：林賓尼