姜大衛（John哥）日前接受商台《1圈圈 星光背後》主持人梁泰來訪問，分享工作及感情往事。74年他在紅透影壇時選擇和李琳琳結婚，他指無悔早婚：「我哋當時係奉女成婚，有咗依蘭咪結婚。」雖貴為圈中模範夫妻，但94年拍攝無綫劇《再見亦是老婆》與周嘉玲傳緋聞，更一度傳出婚姻亮紅燈，John哥說：「我唔理人講乜，有呢啲傳聞證明我演得好。」
11年，太太李琳琳證實患大腸癌，John哥直言早已看透生死：「老婆有病，我都會擔心，更加唔好講係初期嘅癌症，但老婆反而安慰我。接受化療嘅過程，佢好痛苦，𠵱家康復。我哋唔怕死亡，因為大家都知人必有一死。就算離開都好，死咗只需要火化然後灑咗去就得喇！」
對影圈失望
90年代初，John哥賣掉所有資產舉家移民加拿大，他指除了因女兒依蘭升學及97問題之外，最大原因是對當時的影圈極度失望：「當時黑社會入侵電影圈，電影界完全變咗質，好差好亂。我賣晒所有嘢，決定唔做太空人，點知一到加拿大，師傅張徹搵我去台灣拍劇，師傅搵我唔可以推，所以又返嚟。」
撰文：葉晴