謝安琪（Kay）昨晚晒兩吋事業線現身中環出席護膚品牌活動，受訪時全程用手掩着胸口，問是否擔心太性感？Kay說：「我啱啱先睇到條裙，唔緊要啦，最緊要有個膽衝到過去。」之前Kay在社交網晒做瑜伽相，是否身材弗變大膽？她說：「我都係做咗一次咋，其實都好難，咁遲先起步，不過老師話40歲都唔係好大年紀，我希望60歲可以練到條氣跑馬拉松，因為自己爆過四次肺，跑五分鐘步心口好痛。」
同場的廖子妤（Fish）力撐好姊妹余香凝（Jennifer）：「大家都好擔心佢嘅心情，佢都好硬淨，反而安慰番我哋。」對於Jennifer被揭17歲曾劈腿，Fish為好友抱不平：「咁樣會對佢嘅人格造成謀殺，對佢好唔公平好無辜，佢同家樂都係好善良好正面嘅人。」拍完無綫劇卻沒份宣傳的周秀娜笑說：「希望點擊過到30億，可以召我入宮。」對於經理人公司跟無綫的合約糾紛，她說：「最好大家合作愉快，可以私下和平解決。」
採訪：羅慧敏
攝影：仇志德
