禮拜日（24日）沙田八草兩泥，合共進行十場日馬賽事。當中，草地用全闊A跑道作賽。
睇番最近5月27日同一移欄賽事，除了頭兩場新馬賽及直路賽由前置馬勝出外，其餘賽事差不多清一色由居中後上馬掄元，尤其尾段場次偏差更明顯，如「白鷺飛翔」及「大籐王」均憑後勁從尾叠反先對手，故此靠追食糊嘅馬值得優先留意。
今戰列陣馬中，第二場「勝在煌」三次跑田A欄獲兩亞一殿佳績，唞夠吼準A欄才上陣，有力打開今季勝門。
另外，尾場「世界紀錄」上仗正是於5月27日田A欄賽事後上入Q，等番同一移欄再跑必再拼。
至於兩場泥地路程均為1200米，上周末兩場同程頭馬「天賜寶」及「歡樂一生」均擺前勝出，所以第四場「飛霞」及第九場「上簽」等具前速之擅跑泥地馬可秤先。