星期三（20日）香港沒有馬跑，不少騎練都趁空檔出外充電，莫雷拉去俄羅斯睇世界盃，潘頓則與家人前往馬爾代夫。
不過，據知潘頓帶埋手提電腦，一邊度假一邊刨馬做功課，為周日（24日）沙田賽事做足準備。
現於騎師榜帶頭，以5Win領先莫雷拉的潘頓坦言，今期自己座騎多且實力強，希望盡情數糊進一步拋離雷神。
值得一提的是，出戰周日國際三級賽1800米精英碟的「時時精綵」，此馬上場出戰遮打盃前，由於潘頓原定座騎「馬克羅斯」試閘不及格，無緣跑遮打盃，於是潘頓臨時向告東尼索騎「巴基之星」及「時時精綵」，可惜都食檸檬。
結果，「時時精綵」在柏寶胯下於遮打盃只負於「巴基之星」跑得亞軍。
今次「時時精綵」再出，潘頓終於失而復得，重奪此匹皇太后紀念盃冠軍的帥權，潘頓謂「時時精綵」跑三級賽精英碟卡士佔優，必定好好珍惜，今場必搏甩髀力求捧盃。