鄭少秋（秋官）已有六年冇拍港劇，噚日現身ViuTV新劇《詭探前傳》喺尖東舉行「誰是師傅」發佈會，宣佈加盟演出，麥子樂、陳安立同游學修特別苦練舞蹈，迎接秋官加盟。
秋官喺劇中演大學教授兼靈異大師，佢話：「今次接拍工作時間唔會太辛苦，角色從未試過，之前睇咗第一季嘅《詭探》的確好吸引 ，對於上一次拍攝香港電視劇，已經係12年嘅《心戰》，相隔六年，今次降魔伏妖，當然會有多少動作。今次會戴眼鏡，西裝筆挺比較瀟灑。」今次唔需要拍大夜班捱夜，秋官話酬勞非常滿意，最重要係ViuTV有誠意。
游學修興奮
劇中江若琳同沈殷怡飾演秋官囡囡，秋官話：「呢班新一代從未合作過，自己認識江若琳。」問到無綫有冇搵佢拍劇？秋官話：「上過《靚聲王》，其實有傾過，但係就唔啱時間，今次同ViuTV緣份到。游學修喺劇中飾演邵仲衡年輕版，佢話：「興奮大於緊張，秋官樣樣精， 做大戲、唱歌、跳舞樣樣都得，而且好有教養，剛剛嚟到現場，安排一段短舞，佢都畀好多提議。」
撰文：馮仁昭