【本報訊】意外中，最令受傷幼童家長不滿的是太古城中心在事發後沒有即時暫停遊戲，也沒有馬上加強保護措施。家長Wing Tsang指出，事發後，商場沒即時停止活動。
被轟無暫停遊戲
Wing質疑，為何太古城中心不暫停遊戲，待改善工程完成才開放。中心曾回應她，事件翌日已經加厚圍板，她前往了解，發現地面圍板護墊加厚至5毫米，「我試咗用力按下都有一定回彈力，撞到依然會腫痛或瘀，但至少唔會割開皮膚」。Wing又指不見得有增加人手，「比較好笑係所謂貼咗張紙，就真係張A4紙叫人唔好跳躍同奔跑，仲要係朝早同我哋講貼咗，而我落去見到係下晝3點先貼。乜活動唔係叫人瞓身落去玩？」
根據太古城中心網頁介紹指：「全港首次出現嘅巨型體感浮床，瞓身落去玩，涼浸浸但又唔濕身！」Wing在fb語重心長留言說：「作為父母，我哋希望小孩喺安全環境下愉快玩樂。我哋無意要唱衰主辦方，但如果發現有潛在風險而風險又已發生，我哋只希望提醒場地同參加者加倍留意。」
■記者林社炳