立法會上星期搞一地兩檢，民主派同建制派打到夜晚先有得休會，噚日冇咗一地兩檢，民主派固然少咗開火，只係追住主席梁君彥搞，建制派亦樂得清閒等開完會，但八方估唔到噚日未夠七點就可以休會，部份建制派議員更開心到一邊走一邊大聲講可以趕得切返歸睇世界盃。
話說立會噚日開會到6:47pm已經完會，雖然唔係本屆會期最早收工一次會議，但近來都好少有。
黃國健超興奮
工聯會黃國健一路離開立會大聲高喊：「睇波睇波！葡萄牙對摩洛哥！」原來噚晚八點電視有免費直播，唔怪得佢咁緊張！至於民建聯陳恒鑌雖冇叫住要睇波，但晨早就收工都幾開心啊！