現年51歲的溫碧霞（Irene）前晚假旺角麥花臣場館舉行「海潮演唱會」，請了吳浩康、周國賢和鍾欣潼（阿嬌）做嘉賓，Irene換了多套性感低胸戰衣演出，雖然多年沒出碟兼是處女騷，但Irene的表現卻比嘉賓更穩定，而且唱高音位都好準。
自嘲任性
前晚三位嘉賓相繼出錯，吳浩康唱歌唔夠聲、周國賢甩嘴，而阿嬌用音樂墊底唱《下一站天后》竟出現跳線，令阿嬌十分尷尬：「不如從頭嚟過，用live band唱，因為頭先我隻耳機冇聲。」最後又驚又險下完成演出。Irene恭喜新婚的阿嬌：「好戥佢開心，女人幾叻、幾成功都好，最緊要身邊有個人錫佢，呢樣係工作上得唔到。」
尾聲時，大會為她預祝下月生日，Irene在台上向老公何祖光（Kenneth）發表愛的宣言：「多謝Kenneth，自己同佢經歷咗好多，人生遇到開心同唔開心，佢都喺身邊支持我，大家都知我個人好任性，無論我做乜，佢都支持我。所以頭先唱《勇氣》呢首歌想送畀佢，兩人一齊可能產生好多問題，但當你勇敢去愛，就會搵到你嘅真愛。」Irene安歌時唱出《難得有情人》，老公更上台獻花送吻。完騷後她受訪說：「我都唔知佢上台，佢一直默默支持我，喺生活上又好錫我。」
休息一晚後，Irene昨以低胸look到尖沙嘴為自家葡萄酒品牌舉行發佈會，問到投資多少錢？她說：「我出自己個名，佢哋分股份畀我，有啲似代言，但我係親自試酒再從中挑選，亦唔會畀假酒出現。」
採訪：馬建華
攝影：陳慧安