張敬軒前晚第5場騷請到楊千嬅做嘉賓，軒仔以分身「降兩度」跟千嬅合唱《可惜我是水瓶座》，全場起哄。降兩度叫千嬅做天后，又指她是紫色頭髮始祖，千嬅笑說：「咁我咪即係你祖先？我大你一個圈，我估我做得你阿媽喎！」降兩度抵死問：「咁邊個係我阿爹？」千嬅狂笑：「睇我就知係單性繁殖你㗎啦，所以你咪似青蛙囉，哈哈！」
之後千嬅拿軒仔密友關智斌取笑：「聽講你噚日有個好震撼嘉賓喎。」降兩度扮嫌棄說：「唔關我事，係嗰個張敬軒請，關智斌個啲，濕濕碎啦。」千嬅抵死問：「咁你幾時會嫁？唔係，我幾時有個女婿？定係娶新抱？但係你𠵱家咁樣，真係唔係好得喎，你執完返上嚟就有姻緣啦。」全場爆笑。
撰文：皓騫
