創業本不是年輕人專利，但人到中年，除了髮線失守，身型走樣，勇氣亦敗走，創業夢，應怎樣追？在大埔一家食品製作工場內，有4個夢中人，因學做甜品結緣，本無突破的人生，因一個機會展開新一頁。去年他們集資約100萬元，把一所食品製造工場頂下來，今年2月開業，專做甜點和西餐到會訂單，客源不乏四星級酒店，兩個月公司已收支平衡，這班中佬、中女似乎寶刀未老。
記者 梁銘恩
食品工場共有8名股東，五男三女，平均年齡40歲，背景、階層不盡相同，唯一共通點是對甜品的熱愛，互相認識於職工盟培訓中心舉辦的基礎甜品班。甫踏進工場，迎面而來的是最老資格的Ricky，他是前茶餐廳東主，年紀最大、資歷最深，是公認的老大，負責管理工場行政事務。說話淡定、不慍不火的聲調恰如其性格，他站在廚房的爐頭旁，慢慢道出這趟創業夢的緣起。
工場原是西餐廳中央廚房，上手東主需承接父親家業，過千呎的場地包設備、連同貨車、冷凍車、租金上期等，Ricky形容是以「超值價」30萬元轉售，「有客底、有設備，唔使由零開始」，8個股東在一個月內拍板決定投資。
被問到成功關鍵，Ricky坦言當初心態都是摸著石頭過河，邊做邊學，「個個都係業餘，但有熱誠，起碼大家有心去做一件事」，合作時各股東地位平等，「有分工，冇分post（職位）」。承接工場舊有客戶，再開闢新客源，現時先集中做甜品，Ricky說客戶包括四星級酒店、咖啡店、放題和西餐廳，「酒店通常半製成品，用我哋個餅底再加工個面」，經營兩個月已收支平衡。
年齡對中佬中女而言，是優勢亦是劣勢，贏在有經驗、輸在翻身機會難，「機會來到，評估過贏嘅機會大，就去馬。」股東之一的Edmond學廚出身、說話爽快，入廚已有6年，他說早渴望轉型，等待的只是時機，笑言創業猶如「多咗個仔」，「年紀係唔後生，不過有魄力去試」。他和家姐Cara夥拍入股，一個膽大，一個心細，兩姊弟互補不足，「有咩都直接講，咁多個股東我同佢嗌交最多，兩姊弟咩都鬧一餐，邊個啱就邊個大聲，都係講道理」。
面對能言善辯的弟弟，任職秘書已有10年的Cara說話輕聲細語，「以前返工就係等收工，人生冇咩意義，等放假、等退休人生就咁完」，過了人生上半場，突然迎來一個機會，「好興奮，好想做呢行，但一路得個諗字……其實都咁上下年紀，而家創業會唔會太遲呢？」在丈夫支持下她決定辭職完夢，「最後都係想博一博，唔好驚失敗」，她謂中年人有財力、人脈和經驗，絕對可再發展事業。
甜品製作現時主要由Cara和另外兩名女將負責，Cara主力研發產品，家庭主婦Pearl則負責生產線操作，她天性樂觀，自謙「冇乜天份，只係鐘意煮嘢食」，笑言做「師奶」做足10多年，現重回社會，心態似返到校園，與其他股東「好似讀書嗰時日日見咁，一齊玩」，寄工作予娛樂。年過半百事業再出發，開心最重要。
職工盟培訓中心市場拓展及就業服務部經理梁佩雯表示，過往甚少有學員在完成培訓課程後合資經營生意，今次幾名同學仔創業做出不俗成績更屬難得。