高鐵香港段早前被踢爆列車出軌、隧道漏水及車輪異常磨損，港鐵主席馬時亨以一句「我哋（管理層）話你聽OK就得㗎喇」來回應，其後港鐵沙中綫3個車站地盤亦接連被踢爆偷工減料，卻一再拖延向政府提交報告。自由黨前立法會議員田北俊趁端午節，在facebook發帖「抽水」，笑言「聽講坐地鐵好似有啲唔係太穩陣，早知就扒龍舟過海啦。#端午節快樂 #講下笑啫」。
馬時亨上月回應高鐵香港段被揭連串事故時，曾豪言「我哋（管理層）話你聽OK就得㗎喇」，認為社會「一定要相信我們管理層，否則這樣下去，管理層不用睡覺了」，更批評傳媒要求更多資料「無意思」，因大家都不是技術人員。
當時田北俊的胞弟、身兼立法會鐵路事宜小組委員會主席的前九鐵公司主席田北辰，則暗批馬時亨，形容對方作風跟自己在任時不同，「我做九鐵主席時好詳盡解釋，就為了釋除公眾疑慮」，亦會不厭其煩，解答記者問題，「我會製造一個好氣氛同形象」。
網民點睇
Albert So：有內幕，田二少告知。
Clement Jim：田少，馬生話畀你聽ok就得㗎啦。
Bearbear Ying：點解你識用八達通㗎？
Michael Yeung：扒龍舟都唔得，個海畀你抽到冇曬水。