執筆之時，港股跌緊接近千點，有如小股災一樣，不同板塊唔理強勢弱勢，清一色一片紅海，市場悲觀，熊市似再臨。
不過，調整同熊市有根本區別。今年股市的特色為政策市，市場對中美兩國巨頭言論極之敏感，造成大升大跌的假象。
而且升或跌都係短時間內完成，如果見升追升，見跌追跌，左一巴右一巴，已經輸到破產。
筆者仍然維持今年股市只會係上落市，冇大升亦都冇大跌的看法。
低吸龍頭教育醫藥股
環球經濟繼續穩中向好，大陸經濟亦未見惡化，港股上市公司喺第一季業績亦續見增長，在市盈率偏低下，要出現股災的難度甚大，手持績優股者，無必要心急沽貨，當然短期大市可能繼續偏軟，不過基本面唔差下，再跌空間亦不多。
今年餘下嘅六個月，繼續炒股唔炒市，候低吸龍頭內地教育、醫藥股，例如楓業教育（1317）、石藥集團（1093），年尾埋單計數要跑贏大市應該無難度。
Melody
http://fb.com/whichroad