巴西新球王尼馬喺上場1:1賽和瑞士嘅比賽遭撞傷之後,禮拜一球隊公開操練就唔見呢位前鋒蹤影。據英國《天空體育》報道,荷西保連奴同埋尼馬兩人冇隨隊練習,只係留咗喺下榻嘅酒店練習體能。喺首場分組賽遭到瑞士球員10次侵犯嘅尼馬,其後喺個人ig上載咗一張自己接受腳部按摩嘅照片,仲寫上「work hard」嘅附註,相當鬼馬。