世界盃在俄羅斯舉行，對香港電視觀眾夠晒方便，莫斯科與香港時間相差五小時，當地中午打日波，例如下午三點開波，就係香港晚上八點，正正係電視黃金時間，唔怪得今年TVB冇得轉播世界盃，收視會受影響。一般家庭幾可能因為阿仔阿媽爭睇電視而吵架，茶餐廳、酒吧就開心死咯，上屆世界盃在巴西舉行，開波時間在香港大清早，人人趕住返工返學，鬼得閒睇咩！到咗2026年，由北美加美墨三國主辦，香港電視台如果出天價去搶，必定蝕本。反之2022年世界盃於卡塔爾舉行，與香港的時差也是五小時，各電視台不妨力爭播映權。
上星期四世界盃開鑼之夜，開幕典禮似是英國歌星Robbie Williams的個人演唱會，令人愕然。威廉斯是上世紀九十年代當紅歌星，現正步入中年，號召力已不如前，加上他是英國人，正值英俄因間諜毒殺案交惡之際，俄羅斯何以邀請英國歌星在開幕禮擔大旗，教人不解，英國網絡上有不少人批評威廉斯是「英奸」，為敵張目，則未免太言重了，威廉斯是走江湖見錢開眼而已。至於球賽本身，了無足觀。俄羅斯大勝五比零，看似厲害，其實是對手水皮，亞洲足球就是走不出亞洲，沙特阿拉伯可以欺負中國，到了世界舞台，就是魚腩球隊了！
肥仔K看電視直播，忽有感而云，「世界兩大經濟體系，沒資格參加，佔全球人口四成的兩個大國也沒資格，究竟世界盃有沒有代表性？」肥仔K當然係指美國中國兩大經濟強國，兩國GDP加起來有35萬億美元，中國和印度的人口總和有28億人，偏偏呢三個國家都係足球殘旅，其中美國叫做好些少。2026年由美加墨主辦世界盃，於是三個主辦國都可以直入決賽周，當然會成為列強魚腩，印度一定冇行嘅嘞，中國又得唔得呢？機會來了，2026世界盃改制，由現時32隊擴大至48隊，分16組，每組3隊，到時亞洲可有8隊參賽世界盃，中國或有希望因此得益，以亞洲第6至第8名資格出線，假如仍然未能參加世界盃，不如索性用錢買番個資格，就係力爭2030年世界盃主辦權，相信習主席必定支持！仲有12年啫，或者到時仍然係習主席當權，好似普京咁，主持北京世界盃開幕禮呢！今屆世界盃主要廣告商已經係中國企業，佢地一定全力贊助北京世界盃㗎！