身為區議員，都要練得絕世包糭秘技，先至容易同街坊connect。
本身係深水埗區議員嘅鄭泳舜最近拍短片，開班教師奶粉絲包糭，只見着上圍裙嘅佢包起糭上嚟都幾順利，講解時又頭頭是道，相信都落過一番苦功。
而佢完成任務後仲同黨友陳恒鑌及何俊賢有「糭」齊齊分，其中出名嘴刁嘅何俊賢都話OK，仲畀8分半咁高分㖭！
余德寶：我係BB班
公民黨油尖旺區議員余德寶亦喺選區內嘅海富舉辦親子包糭班，唔少父母帶埋小朋友一齊包糭，佢話希望藉此話畀小朋友聽，唔少端午糭係由大家一手一腳包出嚟，當中包含好多愛心。佢仲自嘲雖然學咗包糭5年，但相比資深義工，自己只係BB班咋喎。