張敬軒前晚紅館騷請陳慧琳（Kelly）做嘉賓，軒仔分身降兩度介紹對方出場時抵死說：「幾年前出過隻碟叫乜，粉紅大菊花？唔係，正確係《粉色大理花》。裏面翻唱咗好多歌，其中一首係我偶像嘅歌。」跟着Kelly出場合唱《風花雪》，降兩度自誇兩人都有條長腿，伸出光管腳說：「我好乾淨㗎，你摸吓！」
Kelly摸完軒仔大腿卻大叫：「原來你有着絲襪㗎？呢度剃唔乾淨啦。」降兩度大聲反駁：「冇理由，我上面下面都剃齊，哎呀！天后面前就唔好講呢啲。」又叫Kelly帶兒子跟他飲茶，Kelly不畀面說：「你太得人驚，嚇親佢哋就唔係幾好啦。你最好落番去整容先上來啦。」全場爆笑。
撰文：皓騫