【本報訊】「曾經我都有擔心過，爸爸會唔會有一日唔記得我？」Lisa的父親患有腦退化症，剛知這個消息時，作為女兒的她無法接受。過去一直照顧家庭的父親，連自己都無法好好照料，確診至今11年，Lisa笑言現年95歲的父親越來越像小孩子，她亦從女兒轉換成恍如母親的角色。作為照顧者，也曾面臨過情緒與體力透支的時刻，但想到能陪伴父親度過晚年的時光，是拿甚麼都無法換來的珍貴回憶，「我好感恩，佢到𠵱家都仲記得我係佢個女」。
女兒情緒曾處爆煲邊緣
11年前父親一次身體不適入院，醫生告知他可能患有腦退化，那年父親84歲。自母親離世後，兩父女相依為命，老人家退休後，仍把女兒照料得很好。但其後父親的病徵一一浮現，「好似食完飯話冇食、啲嘢買完又買、搭錯車、冇去覆診……」她終面對現實，考慮將來的日子該如何過。
當時，Lisa面臨人生交叉點，到底該把父親送進安老院舍，或是在家照顧？當她參觀了不同的安老院舍後，還是決定把爸爸留在身邊，「一來係個環境問題，同埋我都唔想將爸爸放喺陌生嘅地方，會唔捨得，想佢晚年有返家嘅感覺，而唔係喺個無依無靠嘅環境」。
選擇在家照顧，Lisa坦言照顧者會出現情緒問題，於是找到了為腦退化患者而設的綜合服務中心賽馬會耆智園，除患者外，對於家屬的情緒支援，也起了一定的作用，Lisa請了工人姐姐照顧父親，下班及假日時由她接力。
這些年不是沒有瀕臨過「爆煲」的邊緣，「由細到大（爸爸）都冇鬧過我，但有咗腦退化之後，佢嘅脾氣就變得唔同咗，會對住我破口大罵，甚至講粗口都有，不過爸爸第二日就會唔記得，我同佢講返時，佢會同我講對唔住，好可愛」。看着父親「返老還童」的狀態，能陪伴他度過晚年的日子，Lisa自言是種福氣「最重要係佢開心，希望佢100歲嗰陣仲可以同佢一齊過生日」。
■記者李雨夢