時裝雜誌《小惡魔ageha》出身嘅整容o靚模吉川千惠、吉川千加，自從2013年底公開整容宣言後，更喺網上公開整容日記，隨即躋身網紅行列，可惜吉川姊妹近年整容成癮，相信連阿媽都已經唔識得佢哋。
家姐吉川千惠同細妹吉川千加多次大執，既一齊接受割雙眼皮手術，又大修輪廓變成V煞面，絕對係日模界孖妹人造人。
吉川姊妹今年11月就滿30歲，佢哋自言靠整容轉運，妹妹吉川千加近日又喺Instagram透露整容大計，其驚人言論又引起網民爭議。吉川千加自言人生只得一次，佢想由自己創作未來嘅故事，不過千加都知每次整容都係一場賭博，但佢堅持望今年內可以再整整個鼻，如果順利過關會喺秋天變成完全體，唔少網民都於網上奉勸佢哋及早收手，再開刀整容嘅信將來定後悔莫及。