【割地兩檢】
【本報訊】立法會早前在主席梁君彥濫權下通過一地兩檢，民主派打算通過不信任動議追究梁的濫權行為。公民黨議員楊岳橋指梁打破原有程序，憂日後會以同一手法處理有爭議法案，提不信任動議要「以儆效尤，（令主席明白）唔可以為所欲為」。建制派的自由黨鍾國斌亦指梁可處理得更好，如增發言時間減少泛民不滿聲音。
梁在審議一地兩檢的手法惹起爭議，楊岳橋和鍾國斌昨出席電台節目討論。楊岳橋斥梁君彥在審議一地兩檢時不但限時辯論，又不斷「搬龍門」，即使一地兩檢法案已通過，但民主派仍會繼續跟進：「因為具爭議嘅議題永遠都唔會缺乏嘅，會有再嚟嘅，以後點處理個問題呢？點梳理市民個憂慮呢？呢啲係更加令人擔心」。
「主席唔可以為所欲為」
楊續指，梁作裁決時未有解釋理據及邏輯，斥梁「老闆心態，我講咗係就係，你哋（民主派）冇得挑戰嘅」。他怒斥，建制派早前已經按照他們的心意修改了《議事規則》，「仲唔夠呀？仲要整個梁君彥黑哨、搬龍門，喺扭曲嘅制度下，『扭上扭』呀?」他稱民主派提出不信任動議是要指出梁的問題，「以儆效尤，畀今屆或日後嘅立法會主席知道，唔可以為所欲為」。民主派亦會考慮司法覆核，但要評估將會出現的情況，包括會否引發釋法。
同場的鍾國斌亦認同「梁君彥可以做好啲」，認為梁在二讀時應多安排8小時讓所有議員有機會發言，令爭議減少，「成個過程做好啲，改善得好啲，泛民反對唔會咁大」。他補充，議會內有不同的意見，梁君彥應讓議員有機會表達，但他明白收窄議事規則是因為有議員「企上枱、拍枱拍凳」 ，有必要維持議會秩序。
■記者陳嘉裕