今季轉會夢想FC的陳偉豪，今個暑期未有為電視評述俄羅斯世界盃決賽，但依然忙個不停，除客串港台講波，還要出席不同的商場活動，今日更獲邀出席父親節活動，可寓工作於父親節，可謂一舉兩得。
上季開始客串擔任足球評述員的偉豪，今個暑期未有因樂視熄機而多了時間陪兩個囝囝，除了要上教練班，還要出席世界盃相關工作，如出席商場活動，又要客串為港台評述世盃賽事，而今日父親節上午更獲邀出席活動。
他說：「父親節當日原先要照顧兩個小朋友，中午出席一個親子餐廳主辦的活動，可順道在餐廳用膳，實行寓工作於父親節。」他表示做了爸爸，在父親節自然多了個節日，讓自己有機會親近兩個囝囝。
約埋老父食飯三代同堂
他說：「大仔喜歡畫畫，看他今年會否畫甚麼東西送畀我，而細仔仲細，星期日同佢一齊，送不送禮也沒有甚麼關係。以往較少慶祝父親節，反而母親節較多，尤其母親節好近媽媽生日，可以一次過慶祝。不過今日出席完下午的父親節活動，可能約埋爸爸食飯，到時可以有機會三代同堂一齊慶祝，當晚唔使諗去邊食晚飯。」