練馬師姚本輝這天（15日）有搏殺動靜，在沙田馬場晨課期間，捉住騎師田泰安傾了一輪，兩人神情認真，唔似喺度風花雪月，反而似在研究出擊大計。
而周六（16日）沙田日賽，姚本輝共有「最佳禮物」、「最新鮮」交予田泰安操刀，相信兩人話題正離不開這對馬。
其中，第十場三班1400米、板前壽司創辦人鄭威濤名下的「最新鮮」相信騎練俱寄望甚殷。
此馬季內只曾4戰跑得少，目前正體力充沛，上仗由田泰安跑同程1400米，途中曾受阻大力勒避，形勢不利下，最終仍拼入季軍所負不遠，可見「最新鮮」在三班充滿競爭力。
拼後「最新鮮」操練充足，相隔一個月養精蓄銳，等今仗才再上陣，抽得6檔不差，有力爆冷Win，難怪姚本輝、田泰安今日咁緊張，係都要傾清楚戰略部署先安樂了，這對騎練拍檔隨時繼近日「魅影揚飛」後，再合作贏馬。