世盃求驗客:基沙文 拍片效忠馬體會 - 求驗客

世盃求驗客:基沙文 拍片效忠馬體會 - 求驗客

法國前鋒基沙文禮拜四透過西班牙電視台拍下嘅短片,公佈來季繼續留效馬體會,親身解開盛傳轉會巴塞隆拿嘅謎底。從電視短片所見,笠上衞衣嘅基沙文笑住走向馬體會嘅萬達大都會球場,然後片尾寫上「La Decision(決定)」嘅西班牙文字眼,證明來季續留馬體會。基沙文亦隨即喺Twitter上載影片,仲寫咗「我嘅球迷、我嘅屋企同我嘅球隊」,重申自己意向。聽講基沙文提早走出嚟澄清,主要係為咗避免影響法國備戰心情。