美國體育用品公司「一剔」就美國總統特朗普提出對伊朗嘅全球經濟制裁,早前決定即時停止向伊朗球員提供波砵,更發表聲明講述原因。對於「一剔」嘅行徑,伊朗教練基羅斯認為對方應該要向伊朗作出道歉。聲明指,「一剔」身為美國公司,喺當前嘅全球經濟制裁下,無法為伊朗球員提供波砵,基羅斯認為呢個係不必要嘅行為。呢位過往曾經擔任曼聯助教嘅主帥話:「呢件事反而對我哋有鼓舞作用,佢哋所發表嘅聲明,對我嚟講,係完全不必要嘅,大家都知道全球經濟制裁嘅意思。佢哋應該出來道歉,因為咁囂張嘅行為對伊朗23位球員嚟講,係完全荒謬同不必要。」