蔡思貝和龔慈恩女兒林愷玲等人昨日在銅鑼灣出席商場活動，與巴西體操界靚仔Arthur Nory同場。Arthur用廣東話說我愛你。蔡思貝指自己曾於外國生活和讀書，見到Arthur陪感親切：「見親外籍人會有親切感，佢好Sharp，眼好精靈牙齒白，好似漫畫中標準靚仔。」自言曾與外籍男拍拖的她，自言拍拖次數5隻手指數得晒，笑言揀男友最緊要靈魂溝通到，若像父親有長腿會加分。
另外，18歲的林愷玲現有173cm高，她指不想太高：「令我好唔自在，以前有花名叫長頸鹿，太高會尷尬。」她又說閒來會看母親演出，大讚做戲時變另一個人很奇妙。
採訪：王連連
攝影：陳俊強