巴西喺周日進行世盃開波前最後一場熱身賽，作客奧地利大勝3:0。主力尼馬喺呢場波正選披甲，自二月受重傷之後終於首次喺正式比賽擔正。更有意義嘅係，尼馬喺呢場波又建功，喺國家隊累積55球，追平名宿羅馬里奧並列國家隊史上第三位。尼馬入波之後，舉起雙手做出勝利手勢，正是羅馬里奧昔日招牌慶祝入球動作，向前輩致敬。
尼馬喺一星期前巴西2:0贏克羅地亞場波正式復出，後備入替即有入球，到今場又建功，佢喺國家隊已經累積入55球，眼前剩番入62球嘅朗拿度，同埋紀錄保持者入77球嘅比利，現年只係26歲嘅尼馬，要趕過呢兩位前輩真係冇難度。巴西周一已經飛抵俄羅斯嘅索契（圖），備戰下周日對瑞士嘅首場世盃分組賽。
Now TV每日只需$6*，
全年睇盡猛片，新劇，世界盃
即刻撳下面登記優惠或致電2888 1888(後按2)申請啦！
https://bit.ly/2JqDJKw
*優惠期有限，受條款及條件約束。
