廚神波登在世時被問及，假如替今日的美朝會議設計一道菜式，會煮什麼。廚神毫不猶疑以招牌毒舌回應：斷腸草！答得好，屹立山林幽深處的極毒之物，的確最啱特金兩條廢柴，一人一啖，一路好走！
假如問香港的689，會如何款待特金？華服上身的689馬上𦧲飯應：請他們來大灣區！新加坡有個屁好，習神在在，大灣區比聖淘沙強N倍！吃乜餐呢？當然係龍蝦！食足柒餐！
問777會點？放假幾日都去桂林考察高鐵的林鄭，毫無待客諗頭，求其招呼兩個去禮賓府食燒腩和酸齋就算，但又怕被嘲孤寒。忽然荷蘭叻上腦，決定帶去粉嶺高球會。這樣擺明姿態，各位闊佬，唔俾like都唔得啦。
運房局長也建議，帶特金一行人，去沙中線朝拜。睇吓啦，兩個出晒名「少條筋」的人都無事，紅磡站，造區區N條假筋，又點會出事呢，除非金仔瞄準紅磡射核彈，咁陳局長絕不手軟，一定將黐筋金「送官究治」！OK？